இரவு பத்து மணி. துளை படு சுவாரசியமாக தன்னையே மறந்து தொலைகாட்சியைக் கண்டு கொண்டிருந்தாள். விஜய் டிவியில் ‘நீயா நானா’ கோபிநாத் ‘நடந்தது என்ன?’ ப்ரோக்ராமில் நமது நகரங்களில் நடக்கும் அட்டூழியங்களைக் குறித்து பிட்டு பிட்டு வைத்துக் கொண்டிருந்தார். இரவு ஒன்பது மணிக்கு மேல் தனியாக இருக்கும் பெண்கள் வயதானவர்கள் எச்சரிக்கையாக இருக்க வேண்டும் என்று கோபிநாத் உபதேசித்து விட்டு, பின்னர் காமெரா சமீபத்தில் நடந்த சில சம்பவங்களை ‘சித்தரித்து’க் காண்பிக்கத் தொடங்கியது. துளசிக்கு இதைப் பார்த்ததும் சற்று அச்சமாகவே இருந்தது. அவள் எழுந்து சென்று வீட்டின் கதவு நன்றாகப் பூட்டியிருக்கிறதா என்று உறுதிப் படுத்திக் கொண்டு மீண்டும் டிவி காட்சிகளை இன்னும் உன்னிப்பாகக் கவனிக்கத் தொடங்கினாள். வெளியில் நல்ல சத்தம் திடீர் திடீர் என்று மின்னல் மின்னுவதுபோலும் அவ்வப்போது தோன்றியது. மழையோ என்னவோ என்று அவள் மனதில் ஒரு சின்ன சந்தேகம். டிவி ப்ரோக்ராமில் திளைத்திருந்ததால் அதில் அவள் அதிகம் கவனம் செலுத்தவில்லை.