டேய் இங்கே வாடா.. தம்பி.. இத வந்து பாருடா.என் அம்மாதான் என்னை
ஞாயிற்றுக்கிழமைன்னுகூட பாக்காம கூப்புடுறாங்க. நான் அரைத்தூக்கத்துலருந்து
எந்திருச்சு ‘ஏம்மா இப்பிடி உயிர் போறமாதிரி கத்துரே? என்னா வேணும்’ன்னு
எரிச்சலோட கேக்குறேன். ‘அட கிறுக்குப் பயலே. இந்தாயிருக்கு பகவதியோட போட்டா
இப்பதான் தரகர் வந்துகுடுத்துட்டுப் போறாரு. புடிச்சிருக்கான்னு
பாத்துட்டு சொல்லுடா. இந்த பொண்ணையிம் பிடிக்கலைன்னிட்டீன்னா இன்னி
பொண்ணுக்கு எங்க போறதுன்னு தெரியலை போ’ ன்னு சொல்றாங்க. ‘ஆமா அப்பிடி என்ன
பொல்லாத பொண்ணைக்காட்டிறப்போறான் அந்த லூசுத்தரகன். கத்தாதே இரு
வறேன்.’ன்னு சொல்லி எந்திருச்சு போய் பாக்குறேன்.. பாத்தஒடனே
புடிக்குதுன்னு சொல்லுவாங்களே அந்தமாதிரி பாத்தஒடனே பகவதி என் மனசுக்குள்ள
வந்து சும்மா நச்சுன்னு ஒக்காந்துட்டா. ‘சரி சரி இந்த பொண்ணேயே முடிக்கச்
சொல்லு’ ன்னு சொல்லிட்டு வாலிபால் வெளெயாட போய்ட்டேன். எனக்கு பந்து என்
பக்கம் வரப்ப எல்லாம் என்னமோ பகவதியே என் முன்னால பறந்து வர்றமாதிரி ஒரு
நெனப்பு. ‘டேய் என்னடா ஆச்சு இவனுக்கு’ ன்னு மத்த நண்பர்கள்யெல்லாம்
கிண்டல் பண்ண என் டீம் என்னாலேயே தோத்துப்போச்சு. என்ன செய்ய.
நம்மளுக்குத்தான் பொண்னு பாத்தஒடனே அந்த பொண்ணுமேலே வந்து தொலைச்சுருதே
அந்த பாலாப் போன காதல்.. எனக்கும் அந்த காதல்காச்சல் வந்திருச்சு.